O‘n to‘rtinchi o‘lim

O‘n to‘rtinchi o‘lim: koronavirusga chalingan samarqandlik vafot etdi

Samarqandlik I. shu yilning 19-may kuni viloyat ko‘p tarmoqli tibbiyot markazida og‘ir ahvolda  yotqizilgan. O‘tkazilgan  tahlillar natijasida unda “Covid-19” infeksiyasi  tasdiqlangan. Paxtachi tumanida yashovchi 63 yoshli (erkak) ushbu bemor 3 yildan buyon I-guruh nogironi bo‘lib, surunkali buyrak yetishmovchiligi va anemiya og‘ir darajasi  tashxisi bilan dispanser nazoratida turgan. 2017-yildan buyon doimiy gemodializ muolajasini olib kelgan.

Shu yilning 25-may kuni bemorning  ahvoli yomonlashgan, burundan va ichki qon ketish belgilari paydo bo‘lgan va reanimasiya bo‘limiga olingan.

Biroq ko‘rsatilgan reanimasion muolajalarga qaramasdan sun’iy nafas olish apparatida bo‘lgan bemor o‘tkir nafas va yurak  qon-tomir yetishmovchiligidan vafot etgan.  

Sog‘liqni saqlash vazirligi  

Jamoatchilik bilan aloqalar bo‘limi.